Our Feeds
Showing posts with label ROMANTIC-STORY. Show all posts
Showing posts with label ROMANTIC-STORY. Show all posts
Shilpa bhabhi

Unknown Ladki Ke Saath Pyar & Sex

 

Lagbhag 2 saal pahle main apne colleague Robin ke saath ek event ke liye Mumbai gya tha, vo event humare kaam (Internet marketing) se related tha. Jha is field ki sabhi badi badi companies ne apna stall lagaya hua tha. Hume jinse jo puchna tha vo puch rhe the aur idhar udhar ghum rhe the. Vha khane peene ki bhut si aisi cheeze thi jo humne pahle kabhi nhi try ki thi so hum beech beech me khaa pee rhe the aur sab companies ke offers dekh rhe the. Almost har company ke stall par samne girls khadi thi taki ladkiyon ko dekh kar jyada se jyada log unke offers ke bare me janne ke liye unke stall par aaye aur unke products sale hone ke chances badhe.
Mera kuch time pahle hi break up hua tha so Main ladkiyo me kuch khaas interest nhi le rha tha aur Robin ke saath idhar udhar yun hi ghum rha tha. Tabhi..
Meri Nazar GoDaddy ke stall par khadi ladki par padi, aur use dekhte hi na jaane mujhe kya ho gya. Main pura sunn ho gya. Usse pahle Main ladkiyon ki taraf dekh bhi nhi rha tha par use dekh kar main usi ko dekhta reh gya. Vo ek najar me hi mujhe itni attractive lagi ki main vo feeling bta nhi sakta. Vo counter par kisi guest se baat kar rhi thi so Main thodi dur se hi use dekh rha aur bas use hi dekh rha tha. Sunne me ajeeb lgega but mujhe aisa lag rha tha ki mujh par kisi ne koi jaadu tona kar diya ho aur uske saath bandh diya ho. Mujhe uske alawa kuch dikh hi nhi rha tha. Uski har ek ada ke saath main uska deewana hua ja rha tha. Bolte huye uske honth dekh kar mujhe nasha sa ho rha tha. Usne Blue Jean aur white Shirt pehni huyi thi. Ab ye to kahne wali baat nhi hai ki, Jeans aur Shirt tight the. Usne transparent chashma lgaya hua tha with thick black frame. Uske baalon ke 2 gucche uske gaalo par idhar udhar hil rhe the. Uska figure itna sexy tha jitna maine kabhi nhi dekha tha apni puri zindgi me. Short me khu to puri ki puri kayamat thi.
Robin ne kha chal us taraf chalte hai to maine kha, Tu chal main aata hu. Lagbhag 10 minute ho gye Main usi ki taraf dekh rha tha tabhi achanak guest ke saath baat karte karte uski najar mujh par padi. Pta nhi kyu usne smile kiya aur guest ke saath baat karti rhi. Uski smile dekh kar maano main uska gulam ho gya. Isse pahle maine jyada ladkiyo se baat bhi nhi ki thi aur real life me bhi main kaafi sharmila kisam ka insane tha, isliye meri haalat ye soch kar kharab ho rhi thi ki jab vo guest vha se jayeaga to Main uske paas ja kar kaise baat krunga. Lekin usse baat karne ka mauka main kisi bhi haal me nhi chodna chahta tha. Mujhe ye bhi nhi pta tha ki Mujhe usse kya baat karni hai par fir bhi main usse baat karne ko tadap rha tha. Mujhme ek cheez achi hai ki confidence bhut hai aur baate bnani bhut aati hai. Fir bhi mujhe dar lag rha tha aur dusri taraf baat karne ke liye ek ek second wait bhi kar rha tha.
Tabhi vo guest counter se chala gya. Usne huffff….. karke lambi sans li aur paani peene lagi. Uska face bhut stressed lag rha tha. Ab meri haalat kharab thi, Baat karne ko mar rha tha par mere pair aage nhi badh rhe the. Fir maine apna confidence ka packet khola aur apne aap se bola – “Agr aaj isse baat nhi kar paaya to duniya ka sabse bada fattu hoga, so go and talk to her.”
Maine ek lambi sans li aur uski taraf badha, vo to dekh hi rhi thi ki koi uske stall par aaye so jaise hi usne mujhe apni taraf aata dekha. Smile kia aur boli – “Hello Sir“ Main ab normal dikhne ki kosish kar rha tha so maine bhi use smile ke saath Hello bola. Usne pucha “Sir How Can I help you?” Maine aise hi bol diya – “What are the best  cloud hosting plans you have mam?” Uske baad vo mujhe plans ke bare me btane lagi, lekin main plan sun kha rha tha, mera to sara dhyan uske lips par the, aisa lag rha tha maano uske hontho se Somras tapak rha ho aur main duniya ka sabse bada pyasa hu. Pta nhi usne kya kya bola aur achanak bolte huye ruk gyi. Fir mere samne apna haath hilate huye boli “So Sir do you like any, or should I explain more plans?”

Tabhi mujhe achanak pta nhi kya hua, maine use bola – “I’m sorry so ask this, but May I know your name please?”. Usne halka sa smile kiya aur boli “Sure, I’m Himanshi (changed name)” Naam btate huye usne ek katilana smile kiya jisse mera hausla aur badh gya. Fir maine use bol diya – “Can I call you Himanshi? Instead of mam? if you don’t mind” usne bola, “Sure Sir no problem” fir maine bhi smile kiya aur ab mujhe lag rha tha ki meri usse dosti ho chuki hai, halanki main janta tha ki sabse pyar se baat karna to uski job hai. Ab mujhse rha nhi ja rha tha so maine use bola..
“Himashi, actually I’m not looking for any plans! I just wanted to talk to you for a moment” usne bola – “Sure”. Can we sit there and talk for a couple of minutes, maine paas pade sofe ki taraf ishara karte huye kha. Usne fir ek gajab ki smile di aur ek second ke liye meri taraf tirchi najro se dekha aur bada mast sa face bna ke boli – “only if it’s important” main 2 second ke liye chup ho gya, vo bhi meri najro me dekh rhi thi aur main bhi. Maine kha “it’s damn important” vo hansi aur boli “OK, Come”. Use pta lag gya tha, saala tharki maje le rha hai, kuch lena dena hai nhi isne.
Sofe par baithte hi maine bade pyar se pucha “Himanshi Do U understand Hindi? I mean, can We talk in hindi??” vo halka halka hans rhi thi but khud ko serious dikhane ki kosish kar rhi thi, usne naughty sa face bnate huye bola – “Hanji. Bolo kya baat hai?” Bas ab to mujhe aisa lag rha tha ki apni friendship pakki ho gyi. Maine fir se ek lambi sans li aur bola – “Himanshi, pta nhi main jo kahne ja rha hu vo mujhe kehna chahiye ya nhi par mujhse rha nhi jar ha bina kahe so kehna hi padega” to vo boli – “Acha jab nhi rha jayega to bolo fir” ye kahte huye hasne lgi. Maine bhi smile kiya aur himmat juta ke bola – “First of all your name is beautiful” usne apna chashma utara aur thodi sa professional look se bahar aayi. Ladkiyo wali cute si smile face par thi vo boli “Acha! Sach me?”
Jab ladki ne ye baat keh di to samjho gaadi shi direction me jar hi hai. Maine kha “Hanji, naam aapka bhut sundar hai par….” Main bolte huye ruk gya, vo tabhi boli “par, par kya??”. Maine kha“Par aap to apne naam naam se bhi khoobsurat ho” vo sab samajh rhi thi lekin kuch keh nhi rhi thi aur mere taraf aise dekh rhi thi maano nazro se keh rhi ho… Ha ha aur bolo aur bolo. Uski smile badi ho gyi “Ohhhh… kya baat hai” kahke vo hasne lgi. Fir humne kuch der aise hi baat ki aur ek short introduction share kiya.
Mujhe pata tha vo jyada der tak aise nhi baith sakti to maine final shot maara aur bola – “Koi plan aisa hai jisme aapka no. mil sake?” vo khil-khila ke hasne lagi. Chehre par khushi thi aur stress free lag rhi thi. Fir usne vapas apna chashma pehna aur khade ho kar boli – “It was nice talking to you K.K, but I can’t share my no. Sorry. Hope you understand” Maine use bola – “No problem dear, mera is event me aana successful ho gya, aapse baat karke ke liye 5 minute mile”. Usne bade pyar se Hand shake kiya aur `Bye` bol kar vapas counter par chali gyi. Ab main aajad sa mehsoos kar rha tha, uske baad main bhi conference hall me chala gya.
Room me maine Robin ko Himanshi ke bare me thoda bhut bataya aur laptop par thoda kam karne laga. Raat ke 7:30 baj gye. Dinner schedule 7 – 9 pm ka tha so Hum dinner ke liye chal diye. Stairs se niche jaate huye Main aur Robin saath hi ja rhe the tabhi Robin ke ghar se phone aa gya aur vo vhi ruk kar apne parents se baat karne laga kyuni niche se music ki aawaz aa rhi thi. Tabhi mujhe ek ladki ground floor par phone par baat karte dikhi. Vo railings ke shaare jhuk kar phone par baat kar rhi thi, uska figure bhi bhut bomb tha, usne purple color ka Prome Dress pehna hua tha, jisme uska figure aur bhi gajab lag rha tha, Upar se dekhne par uska figure bilkul Kim Kardasian jaisa Super Hot lag tha
Shilpa bhabhi

Barsaat Ki Ek Raat

 
Filmo me barsaat me jheene kapdo me bhigti, ithlaati, hero ke saath nachti gaati heroin ko dekh kar humari shrimati ji machal uthti hai aur hume bhi machalne ko mazboor kar deti hai. Yun to humari shrimati ji bahut rangili hai, lekin khaas taur par jab mausam hariyali, barsaati aur rangeela ho tab unka romantic hona aur bhi badh jata hai.
Ek baar barsaat ki raat ko humari shrimati ji machal uthi aur hume neend se uthate huye boli..
“suno ji, mausam me bahaar hai, mujhe tumse pyar hai.”
Humne uninde awaaz me kaha, “toh?”
Shrimati ji boli.. “aise mausam me bhala kis ko neend aati hai?”
Humne kaha.. “kal office jana hai, bahut saare kaam nibtaane hai.”
Shrimati ji ne romantic hote huye kaha.. “Kabhi to liya karo,  piya pyar ka naam.”
Humne thoda pareshan hote huye kaha.. “Pyar se pet to bharta nahi.”
Shrimati ji ne ithlaate huye kaha… “kaam to Zindagi bhar ka hai, par aisa mausam baar-baar nahi aata.”
Is baar shrimati ji ki romantic ada par hum fisal gaye, aur shrimati ji ka hath pakad kar raat ko ek baje baraste paani me ghar ki chat par aa gaye, charo taraf ghor andhera chaya hua tha aur pura sehar barsaat me shanti se naha rha tha.
Ab shrimati ji gana gaati ja rahi thi aur hum se bhi acting karne ko keh rahi thi. Pehla gaana unhone gaya..
“Aag lagi paani me… ” fir “aaj fisal jaaye to… is ke baad “jindagi bhar nahi bhulenge ye barsaat ki raat…”
Har gaane ke baad un ki aawaj tej hoti ja rahi thi aur ve free action wali hoti ja rahi thi.

Chat par jab hum dono nach rahe the, tabhi chawkidaar wahan se gujra. Use laga ki chat par koi chor chada hai, isliye usne chat par torch ki roshni fekte huye jor se siti bajayi, hume dar laga ki kahin koi naya lafda na ho jaaye, isliye humne shrimati ji se neeche chalne ko kaha.
Lekin jab chalne ko to vo taiyar nhi huyi, tab humne unhe baraste paani me neeche betha liya, thodi der baad chawkidaar aage nikal gaya.
Ab barsaat aur tez ho gayi thi, shrimati ji ne bethe-bethe hi humare seene me apna sir rakh diya aur boli.. “Aaj kuch aisa ho ki yeh waqt yahi theher jaaye, paani barastaa rahe aur hum dono yu hi bheegte rahe” isi ke sath ve jor se hans di.
Tabhi humare padosi ke ghar ki light jali aur usne chillaate huye kaha… “are, jo bhi
karna hai chupchap karo, yeh sharifon ka mohalla hai.” hum fir sehem gaye.
Raat ki bheegi huyi roshni me geele kapdo me bhigi shrimati ji kisi heroin se kam nahi lag rahi thi,  sach me hum ne unko itna sundar pahle kabhi nahi dekha tha.
Tabhi ek billi kahin se aakar chat par kood gayi aur shrimati ji darr kar hum se chipkne ke liye bhagi to unke pair me moch aa gayi! Vo dard se tilmila gayi, isi ke sath unhe 2-3 cheeken aa gayi.
Ab unse chalte bhi nahi ban raha tha, isliye pura romance hawa me ud gaya tha! Humne kaha ki humare kandhe par hath rakh do aur sahara le kar neeche chalo.
Lekin vo boli.. “jara si takleef huyi to duur bhagne lage, puri jindagi kya khaak sath nibhaoge.. are goad me utha kar nahi le ja sakte kya?”
Hume bhi laga ki romantic mood ko kaharab nahi kiya jaana chahiye, isliye unhe goad me uthaya aur neeche kamre me le aaye, tab tak unhe 4-5 cheeke aur aa gayi thi.
Ab shrimati ji filmi style me boli.. “thoda aag-waag jalao, chai-paani ka intezaam karo.”
Humare ghar aag jalana mumkin tha nahi, isliye heater jala diya, aur chai banane lage, tab tak shrimati ji ka pair sooj kar dabal roti ho gaya tha aur bukhaar bhi aa gaya tha par fir bhi madam apne hi rang me rangi huyi thi, humare paas aa kar baith gyi aur hume bade pyar se niharne lagi. Fir chai taiyar ho gyi aur hum dono ne ek hi bade cup me chai pi.
Subah doctor ne nimoniya bataya aur lamba-chauda ilaaz karne ki baat kahi, hume office se chhuti leni padi. Tabhi kaamwali ramiya aayi aur boli, “Sahab ji aap ki chat par raat ko 2 baje chor chadhe the. chawkidaar aa kar bola, to mai bhi torch le kar pados ki chat par chad gayi…”
Shrimati ji ne sab jante huye bhi jigyasa dikhate huye pucha.. “fir kya hua, chor pakde gaye kya?”
Ramiya ne sharmate huye kaha… “Par aapko aur memsaab ko dekh kar wapas laut
aayi.”
Maine bante huye aascharya se kaha.. “Par hum logon ko to kuch maloom hi nahi hua ki kya hua.”
Is par Ramiya ne ithlaate huye kaha.. “Are sahab kyu anjaan bante ho? are, memsaab ke pair me moch, sardi, bukhar yeh sab kya kam hai! Aap logo ke chat par filmi style me masti karne par humare ilaake ke to 8-10 log dande le ke ikathe ho gaye the, tab maine unhe samjhaya”.
Jab hum andar ke kamre me shrimati ji ke liye paani lene gye, tab piche-piche Ramiya bai bhi aa gayi or boli, “sach batana sahab, kaisa laga baraste paani me chat par?” Are, hum logo ki jhuggi me chat to hoti nahi aur jhuggi ke bahar niklo to kutte damm nahi lene dete.”
Main kuch kehta is se pehle shrimati ji langdaate huye aayi or boli… “Ari o jasoos, tu kaam se kaam rakh samjhi na.”
Ramiya bai ne bhi gusse se kaha… “o memsaab, ek to chori upar se seenajori, are maine tumhe bachaya, nahi to abhi tak police thane me hoti, aur ye ankhe kisi or ko dikhana. ab ramiya bai is ghar me kaam nahi karegi.”
Shrimati ji ne bhi keh diya, “Han-han ja, waise bhi abhi teri jarurat nahi hai, sahab chutti par hai, Vo sab kaam kar lenge. Jab mahine 2 mahine me tera gussa utar jaaye tab aa jana.”
Hum soch rahe the, shrimati ji ki chit bhi meri aur patt bhi meri aur jo kuch bhugatna hai wo hum bhugte. Hum ghabra gaye, yani ab shrimati ji ki sewa ke sath-sath ghar ke kaam bhi nibtaane honge, yeh soch kar hume bhi bukhar aane laga.
Ramiya bai shrimati ji ko ankhe dikhate huye ghar se bahar ho gayi,  lekin shrimati ji barsaat ke mausam ka aanand lete huye ab khatiya par pade-pade hi gun-gunane lagi – Rimjhim barse paani…
Aur hum barsaat ka lutf shrimati ji ke sang un ki sewa aur ghar ka kaam karte huye utha rahe the
Shilpa bhabhi

Ladki Ko Apne Piche Pagal Karne Ke Tips

 

To friends, aaj hum janege ki ladki ko apne piche pagal kaise kare. Lekin usse pahle aapko us ladki ke bare me sab kuch pata hona chahiye, jisse aap apne piche pagal karna chate hai. Or sath hi bahut si baaton ko dhyaan me rakhna hoga or ladki ke bare me sab kuch jaan kar yaad karna hoga. Or ab baki ki sari baatein janne ke liye aapko niche diye gaye tips ko ache se padhna or samjhna hoga or sath hi follow bhi karna hoga. To chaliye shuru karte hai…

Ladki Ke Bare Me Sab Kuch Jaan Le

Ye sabse jaruri hissa hai kisi bhi ladki ko apne piche pagal karne ka. Kyunki jab tak aap uske bare me sab kuch nahi jante ho tab tak aap use kaise apne piche pagal bna sakte ho. Isliye ladki se bare mein kuch important cheez jaan lo, jiase wo single hai ya commited, Uski choice kya hai. Kaise ladke pasand hai, ladko ki kaise qualities pasand hai. Or jab aapko yeh sari baatein pata chal jayegi tab ja kar aap apna khel shuru kar sakte ho or use apne piche pagal bnana shuru kar sakte ho.

Achi Personality Bnaye Rakhe

Hamesha yaad rakhe ki koi bhi ladki kisi bhi bekar personality wale ladke ke sath nahi rehna ya ghumna pasand karegi. Isliye hamesha apni personality bnaye rakhe. Jaise ki hamesha smart dikhe or saaf suthre kapde pehne or ache se apni grooming karwa le. Taki kabhi agar wo ladki aapko dekhe to uske dil me ye khayal khud ba khud hi aa jaye ki kash ye ladka mera boyfriend hota. Kyunki har ladki sabse pahle ladke me uski personality ko hi dekhti hai. Or agar wo aapki personality se impress ho gayi to aapka adha kaam to yahi ho jayega. Or kya pata wo khud aapse baat karna chahe. Or agar aisa hota hai to fir aapko to kuch bhi karne ki jarurat nahi hai.

Uske Friends Se Jaan-Pechan Bdaye

Agar aap chahte hai ki wo ladki aapko roj mile or notice kare, to aapko uske friends ke sath apni jaan-pechan bnani or badhani bhi hogi. Taki aapko uske bare me or usko aapke bare me sab kuch pata chalta rahega. Or sath hi aapke aisa karne se aap uske or bhi jyada karib ho sakte ho or sath hi aapke aisa karne se wo ladki jo ki kal tak aapke liye ek anjaan ladki thi. Fir wo aapke liye anjaan nahi rahegi, kyunki wo to pahle se hi aapki personality se impress hai. Ise liye wo aapse jaan pehchan badana chahegi. Chahe phir wo phir apne friends ko bole apse baat karne ke liye ya khud aap se baat karein. Aur phir agar aap bhi use acha response doge toh wo aapke aur paas aana chahegi or aapke sath akele time spend karne ke excuses dhoondegi.

Use compliments De

Hamesha ye baat yaad rakhe, ki agar aap chahte ho ki ladki aapke bare me acha soche or wo aapke karib aye. To aapko us ladki ki tarrif karni hogi, kyunki ye baat to aap bhi samjhte hi honge ki aisa kyun hai. Saaf si baat hai ladki koi bhi ho usko apni tarrif sunna bahut pasand hota hai. Lekin is baat ka bhi dhyaan rakhe ki aap jab bhi uski tarrif kar rahe ho, to wo tarrif sachi ho. Kyunki agar use pata chal gya ki aap ne uski jhuti tarrif ki hai to fir samjh lo ki aapka patta to cut. Or iske baad wo aapse baat karne ki bjaye aapko ignore karna shuru kardegi. Or kya pata wo aapko dubara kabhi mile hi na. Isiliye hamesha sachi tarrif kare or aap uski in in cheezo par tarrif kar sakte hai. Jaise ki agar kabhi wo new dress, shoes kuch bhi new phen kar ayi ho tab aap uski tarrif kar sakte hai or etc. Is se use pata lagega ki aap bhi use notice karte ho.

Use Koi Pyaara Sa Present De

Ye baat hamesha yaad rakhe ki, Compliments ke sath sath ladkiyon ko gifts bhi bahut impressive lagte hai phir chahe wo ek chocolate hi kyu na ho. Isliye bina kisi mauke ke use koi aisa gift de jo ki uske dil ko chu jaye. Iske ilawa aap jab kabhi usse kahi bahar milte bhi ho to aap uske liye flowers bhi le kar ja sakte ho. Fir dekhiyega wo aap se itna impress ho jayegi ki wo apne mann me vichaar bna legi ki aap hi banoge uske boyfriend. Lekin kabhi bhi use ye mat show hone dena ki aap bhi yehi chahte ho, kyunki agar use is baat ka malum chal gya to wo bhav khana shuru kar degi. Or jha aapki love story aaj shuru ho jani thi, wahi wo ja kar kahi 6 mahine ya saal baad shuru hogi. Isiliye uski care karo, lekin use apni feelings na show hone do.

To friends, ye the kuch lajawab or ajmaye hue tips ki ladki ko apne piche pagal kaise kiya jaye. Umeed hai ki aapko in tips ko padh kar samajhne mein koi problem nahi hui hogi. Lekin agar fir bhi aapke mann me koi bhi doubt hai ya aapko kisi or topic me help chahiye. To aap niche coment karke humse apni problem share kar sakte hai. Hume aapki madad karne me bahut khushi hogi. Hume apni seva ka mauka dete rahe.
© Copyright 2015 Hindi Indian Ancient Story - Mythology - Jokes Shayari - Romantic कहानी. Designed by Bloggertheme9 | Distributed By Knowledge And Tips. Powered by Blogger.